Gisusi karun ni Political Science Expert Atty. Proculo Sarmen, ang ligal nga basehan sa impeachment proceedings batok sa atong vice president.
Siy Sarmen miingon nga kompleto kini sa porma ug adunay igo nga legal nga fundamento aron mapadayon ang proseso, basta sundon ang impeachment rules ug malikayan ang politikal nga interbensyon.
Gipasabot usab niya nga ang desisyon sa House Committee nga “sufficient in form and substance” wala nagpasabot nga guilty na ang vice president.
Gihatagan siya og napulo ka adlaw aron magsumite sa iyang depensa o bisan unsang position paper, aron masiguro ang due process usa ka requirement nga gisunod sa Korte Suprema sa mga miaging impeachment cases.
Ang paghatag og higayon sa vice president nga motubag sa mga alegasyon gi-considerar nga bahin sa pagtino kung adunay probable cause.
Human niini, susihon sa mga miyembro sa komite kung ang alegasyon naglangkob ba og constitutional offense nga mahimong basehan sa impeachment. (JANE ABULAG)
