CAGAYAN DE ORO CITY – Angay lang sa kanunay magsilbing mga ehemplo ang kapolisan atubangan sa katawhan nga ilang gisilbihan.
Kini ang message of support sa DILG 10 kabahin sa palisya sa Camp Crame nga did-an ang mga pulis magbaton sa mga patik sa ilang kalawasan.
Namahayag si Edward Bhagwani,special asst to the DILG 10 regional director nga dugay na kini nga palisya sa gobierno ug igo lang gipalig-on sa kasamtangang PNP officials.
Dugang ni Bhaghwani nga mas maayo tan-awon ang bisan kinsa nga public servant nga dunay disiplina ug ehemplo aron madasig ang katawhan nga tahuron ang kagamhanan.
Samtang supak sa batakang balaod ug pagpihig sa mga pulis ang memorandum circular nga nagbawal kanila magbaton sa klase-klaseng patik sa ilang mga lawas.
Kini ang kusganong pagsupak ni Bukidnon District 2 Cong. Jonathan Flores sa gabayan sa PNP nga magsilot sa mga pulis nga magtiner sa mga tattoo sa ilang kalawasan.
Miingon si Flores nga dili masugod tungod sa patik ang katarong ug kahangal-hangal tawo rason nga angay kining ipadaplin nga palisya sa PNP.
Una nang gihataga’g tulo ka bulan ang mga patikang pulis nga panason kini sa ilang mga lawas aron dili mag-atubang sa silot administratibo nunot sa maong gabayan.
