Gipanawagan sa progresibong grupo sa mga batan-on ang pagbawi sa 2027 national budget ug ang paghatag sa husto nga pundo para sa serbisyo sa kabataan ug sa katawhan.
Gipadayag ni Youth Rage Against Corruption National Convenor Joaquin Buenaflor nga giprotestahan nila ang pagpasa sa maong badyet sa House of Representatives tungod sa pagtapyas sa pundo sa edukasyon ug panglawas taliwala sa bilyones nga gigahin sa flood control.
Dugang pa sa opisyal, ang pagpadayon sa mga discretionary ug lump-sum funds sa mga lokal nga kagamhanan usa ka tataw nga pag-andam sa administrasyon alang sa umaabot nga eleksyon.
Busa, nanawagan ang kapunongan sa tinuod nga serbisyo publiko ug sa pagtangtang sa tanang matang sa pork barrel.
