Walay ikatabang ug usa ka kaulawan sa sektor sa edukasyon ang gihimong pamahayag ni Palace Press Officer Claire Castro batok sa mga magtutudlo sa nasud.
Kini ang gipahayag ni Alliance of Concerned Teachers Northern Mindanao Coordinator Roland Cruz, samtang gipanawagan niini ang pagbawi sa maong pamahayag o dili gani ang pagluwat sa pwesto sa maong opisyal
.Gitin-aw ni Cruz nga gipakita ra sa maong opisyal ang kawalay pakabana sa tinuod nga kahimtang sa edukasyon, samtang nagpabilin nga wala matagad ang mga nag-unang problema sa mga klasrom, estudyante, ug pasilidad sa nasud.
Tungod niini, gidugang sa maong lider nga imbes nga maghatag og mga rason nga walay pulos, mas maayong hatagan og pagtagad sa kagamhanan ang makaluluoy nga kahimtang sa mga magtutudlo nga subra sa trabaho ug gamay ra og suweldo sa nasud.
