Pabor sa mga supporter ug kang Vice President Sara Duterte ang pagbawi sa Anti-Money Laundering Council sa gipagawas nga pahayag bahin sa joint bank accounts sa Bise Presidente ug bana niini nga si Atty. Mans Carpio sa Impeachment Court, mao kini ang pahayag ni Daniel Nobleza sa Inday Sara Movement Philippines.
Tungod niini, gipasabot sa opisyal nga nabawi sa AMLC ang unang mga pasangil human napamatud-an sa pagpangsukit-sukit sa korte nga walay pondo gikan sa China o langyawng nasud nga nisulod sa akawnt sa Bise Presidente ug sa bana niini.
Gumikan niini, gitin-aw sa grupo nga nahimong tin-aw sa publiko ang mga bakak nga pasangil sa prosecution taliwala sa paninguha sa mga kaaway sa pulitika nga gub-on ang ngalan sa Bise Presidente.
Gidugang pa sa opisyal nga bisan pa man tuyokon ang mga argumento sa impeachment hearing, sigurado nga mogawas ug mobutho gihapon ang matuod nga kamatuoran alang sa katawhan.-
