Gilaraw ni Jalilah Hadji Sapiin gikan sa Marawi Reconstruction Conflict Watch nga bisan pa og hapit na mahuman ang rehabilitasyon sa mga imprastraktura sa Marawi, nagpabilin gihapon nga dako nga problema ang dili pa makuha nga kompensasyon sa mga apektadong Maranao.
Dugang pa niini, gipadayag niya nga dili patas ang gipahigayong assessment sa gobyerno tungod kay ang mga balay nga mokantidad unta og lima ngadto sa pito ka milyon ka pesos, hatagan lamang og usa ka milyon ka pesos nga bayad.
Una niini, gipamugos ni Sapiin nga kinahanglan unta nga sistematiko ug kinatibuk-an ang proseso sa rehabilitasyon nga naglangkob dili lang sa mga gambalay kondili lakip na ang pagtabang sa mga tawo nga nawad-an og panimalay.
Busa, dako ang iyang kabalaka sa kahimtang sa mga pamilya nga nagpabilin sa temporaryong puy-anan tungod kay walay igong pondo nga madawat aron makabalhin na sa permanente nga shelter.
Alang kanila, kini nga sitwasyon usa ka dakong hagit sa hustisya ug pag-uswag sa kinabuhi sa mga katawhan sa Marawi.
