“We deserve better!” Mao kini ang brutal nga pagsaway sa Alliance of Concerned Teachers sa pagbisita ni Education Secretary Sonny Angara sa Cagayan de Oro City alang sa National Teachers’ Month.
Gipahayag ni ACT Chairperson Ruby Bernardo nga walay pulos ug dili makasulbad sa krisis sa edukasyon ang mga raffle, discount, ug padula nga gihatag sa maong kalihokan.
Gipadayag ni Bernardo nga ang tinuod nga gipangayo sa mga magtutudlo mao ang pagpataas sa sweldo, pagdugang sa benepisyo, ug pag-ayo sa ilang kahimtang sa trabaho aron dili sila mapugos nga moadto sa ubang nasod.
Tungod niini, magpahigayon ang maong grupo og usa ka buwan nga pagprotesta aron iduso sa gobyerno ang mga tinuod nga panginahanglan sa mga titser.-
