GIPANGHULAGWAY ni Capt. Rey Valeros Jr. sa United Peoples Initiative nga ang pag-anhi sa Pilipinas sa mga ICC investigators daw giset up lamang ug dili angay pasagdan.
Miingon si Valeros nga klaro nga ang nasud adunay nagalihok nga balaod ug kung adunay sala si former President Digong uban sa iyang mga co-perpetrators, dapat ipapanubag kini sa Pilipinas kay buhaton kini sa lokal nga hudisyal system.
Gipasabot niya nga ang pag-surrender sa usa ka Pilipino ngadto sa international nga korte usa ka tin-aw nga paglapas sa soberanya sa nasud, ug kini dili angay nga itugot.
Dugang pa ni Valeros, dili bugo ang mga katawhan ug sila nanindigan sa kamatuoran, nga nagpakita sa ilang kaisog sa pagpanalipod sa integridad sa nasud.
Gikondena usab niya ang pagpangilad sa gobyerno aron matabunan ang kamatuoran ug ang mga lakang nga makapahimulos sa interes sa pipila lamang. —- (James Oliver)
