CAGAYAN DE ORO CITY – Dili maka-apektar sa relasyong City Mayor Klarex Uy ug City Vice Mayor Jocelyn ‘Bebot’ Rodriguez ang pagbisita sa magsoong Misamis Oriental 2nd District Rep.Bambi Emano;Tagoloan Mayor Atty Nadya Emano-Elipe ug 2nd District City Councilor Yvy Emano sa city hall ning syudad.
Kini luyo sa kasayuran sa kadaghanan nga kanhi magka-kontra si Klarex ug ang amahan sa magsoong Emano nga si late Padayon Pilipino party founder Vicente ‘Dongkoy’ Emano sa pagka-mayor sa dakbayan sa miaging katuigan.
Miingon si Bise-Mayor Bebot nga sayo pa aron hisgutan ang politika ug katungod usab sa mga Emano nga mag-courtesy call sa buhatan sa mayor.
Gani,sa miaging mga bulan mibisita man usab ang grupo ni Misamis Oriental Gov Pedro Unabia kang Uy.
Si Bebot kinsa igsoon ni 2nd District Cong Rufus Rodriguez sa Centrist Democratic Party ug mga Emano ang mag-alyansa sa ilang politika sa milabay’ng May 9 elections batok sa grupo ni Klarex sa dakbayan.
Samtang sa pagkutlo ning balita,wala pa’y gibuhian nga tubag-mensahe ang mga Emano kabahin sa pinakurat nga panagkita sa duha ka panig.
Hisayrang sa bag-uhay pa misulod sa dakbayan si Dongkoy sa paglansad pagka-mayor,kabahin si Klarex sa pipila lamang sa mga barangay kapitan nga nag-uban sa bando sa politika niini hangtod nga nagkasiak epekto sa lain-lain nga baruganan.
