CAGAYAN DE ORO CITY – Napiangan pa’g samot ang Mindanao sa pagkupot sa mga lideres nga dunay mga nasudnong katungdanan nga makahatag unta’g dakong bentaha alang sa mga serbisyo nga matunol sa katawhan.
Kini ang gipabating kahingawa ni House Mindanao Affairs Committee chairman Misamis Oriental District 2 Cong. Bambi Emano sa paghawa ni Vice Pres Sara Duterte isip kalihim sa Dept of Education.
Namahayag si Emano nga nawala na si Sen Migz Zubiri isip senate president ug nasundan pa ni VP Sara nga mitalikod usab sa gabinete ni Pres Bongbong Marcos.
Siya miingon nga disbentaha kini alang sa mga taga-Mindanao pag-abot sa mga pagdawat sa mga batakang serbisyo.
Apan gihinaut gihapon niini nga ikatambayayong gihapon ni Marcos si VP Sara sa mga serbisyo nga mas angay makuha sa katawhan sa nasud.
