Hugot nga gibatokan sa Alliance of Concerned Teachers kauban ang Makabayan Bloc ang pagpasar sa 2027 National Budget pinaagi sa paghatag og supak nga botos diha sa Kapulungan.
Gitin-aw ni Alliance of Concerned Teachers Northern Mindanao Coordinator Roland Cruz nga kini aron kondenahon ang Kongreso sa pagpabor sa mga pork barrel schemes ug flood control nga pundo samtang gisakripisyo ang edukasyon.
Gawas pa niini, gipadayag sa opisyal nga nakainsulto ang gamay kaayo nga uswag sa suhulan ug benepisyo alang sa mga opisyal ug magtutudlo sa pampublikong tulunghaan.
Tungod niini, gipanawagan sa grupo ang paghiusa sa tanang trabahante aron ipakigbisog ang usa ka makatawo nga pondo nga tinuod nga nag-alagad sa katawhan.-
