Mas gipalanog pa sa pamilya ug grupo nga nagsuporta kang Mary Jane Veloso ang paghatag kaniya ni Presidente Ferdinand Marcos Jr sa gipangayo nga executive clemency.
Sa pag-atubang sa amahan sa pinay nga kanhi OFW ug nabihag sa Indonesia, mihangyo si Ceasar Veloso nga unta makagawas na sa prisohan ang iyang inosenteng anak sa dili pa ang 2025 State of the Nation Address ni Presidente Marcos sa Hulyo 28.
Mahinumduman nga si Veloso, nga nahukman sa deathrown sa Indonesia niadtong 2010 tungod sa kasong drug trafficking.
Naluwas kini ni Presidente Marcos, ug na-repatriate sa Pilipinas niadtong Disyembre 2024 pinaagi sa kasabutan sa gobyerno sa Pilipinas ug Indonesia.
Bisan pa nga naa na siya sa nasud, priso pa gihapon si Veloso sa Correctional Institution for Women sa Mandaluyong City, isip kabahin sa kasabutan.
Kagahapon, gisumiter sa pamilya ni Mary Jane ug sa mga civil society groups ang petisyon sa Malacañang, nga naglakip sa kapin sa 13,000 ka pirma gikan sa mga supporters, uban sa mga grupo sama sa Migrante International, Caritas Philippines, ug United Church of Christ in the Philippines.
Nakakita sa kahayag ang pamilya ni Veloso sa pamahayag ni Palace Press Officer Claire Castro, nga nag-ingon nga posibleng adunay positibo nga reaksiyon ang pangulo sa hangyo sa grupo
