CAGAYAN DE ORO CITY – Gikasuko ni Defense Sec Delfin Lorenzana ang walay koordinasyon sa PNP nga dakpon pagbalik si NPA rebel returnee Alfredo Mapano alyas Ka Pares kinsa pila ka tuig nang nag-trabaho sa Phividec Industrial Estate sa Tagoloan,Misamis Oriental.
Miingon si Phividec administrator Pompee La Viña nga mosunod sila kanunay sa mando sa korte.
Apan angay mohatag sa kurtisiya usa ang PNP-Caraga sa defense dept kay dugay nang mi-surender si Mapano sa gobierno.
Hinoon,gipasiguro ni Lorenzana ang segurida ni Mapano samtang resolbahon ang giingong kasong ‘robbery in band’ niini nga pending sa korte sa Bayugan City sa maong rehiyon.
