Dako nga kasuko ang gipadayag sa mga kabus nga katawhan batok sa gobyerno tungod kay kulang ug pakita-tawo ra ang pagdakop kay kanhi House Speaker Martin Romualdez.
Mao kini ang singgit nga gipahayag sa Kadamay pinaagi sa Secretary General nga si Mimi Doringo, diin gitin-aw niya nga dili mailad ang publiko nga sige’g antos sa kalisod samtang ang mga dagkong opisyal maoy nagpahimulos sa pondo sa nasod.
Gipahayag ni Doringo nga gawas sa pagpatubag ni Bise Presidente Sara Duterte sa iyang impeachment hearing sa Senado, si Presidente Ferdinand Marcos Jr. ang kinahanglang unahong paninglan tungod kay siya ang pinakadako nga responsable sa anomalya.
Tungod niini, nagpasidaan ang grupo nga mas mosamot ang kasuko ug mga lihok-protesta sa kadalanan hangtod nga dili madakpan ug masilotan ang tanang pinakataas nga kurakot sa nasod.-
