Nagpasidaan si CDO City Councilor Roger Abaday sa mga moadto sa mga kalingawan alang sa Higalaay Festival nga higpit nga gidili ang pagdala og mga kontrabando, hait nga galamiton, ug bottled water labina sa mga enclosed area sama sa Sports Center.
Sumpay pa sa opisyal, ipatuman ang hugot nga inspeksyon sa tanang dala nga backpack ug uban pang mga bag sa mga manan-aw aron masiguro ang kahusay ug kalinaw sa dakbayan.
Gawas pa niana, wala usab gipatugot ang pagsuot og kalo sa mga dapit diin ipahigayon ang mga aktibidad.
Aron maseguro ang kalinaw ug kahapsay, gipadayag ni Abaday nga maayo nang gipahimutang ug naka-deploy ang mga sakop sa seguridad nga magbantay sa mga istasyon ug mosusi sa mga ibilin nga basura sa katawhan, lakip na sa Boulevard diin ipahigayon ang launching.
