Gipamugos ni private lawyer Attorney Adonis Gumahad nga dili ahat o apektado sa panahon ang pagdala dayon sa petisyon ngadto sa Korte Suprema batok sa pagpaubos sa voting threshold sa impeachment.
Sumala ni Gumahad, husto ug mas maayo ang lakang sa mga petisyoner nga samtang sayo pa gidala na kini sa Korte Suprema aron malikayan nga mawad-an og kapuslanan ang mga legal nga isyu kon mahuman na ang botasyon.
Dugang pa sa abogado, paborable kini nga pamaagi kay kon ugaling adunay ihatag nga sentensya o conviction sa sunod nga mga adlaw, mas maglisod na ang pagkuwestiyon sa legal nga basihan sa boto.
Hinuon, gitin-aw sa eksperto nga ang Korte Suprema lamang ang katapusan nga makasulti ug makadesisyon kon sayo pa ba o husto na sa panahon ang pagdangop sa kapunongan
