GI-ANALISAR ni Professor John Louie Sabal sa Departamento sa Ekonomiya, Xavier University Ateneo de Cagayan, nga dili angay basulon ang katawhan kung nganong permanente mudaog ang mga kandidato gikan sa political dynasties.
Matod pa ni Sabal, bisan dili gusto ibotar sa katawhan ang politiko nga gikan sa usa ka political family, mas dako gihapon ang tsansa nga mudaog kini kung ang kaatbang dili ilado ug walay kasinatian sa paggobyerno.
Gipunting usab niya nga usahay, ang kakulang sa kapilian bisan adunay katungod mubotar ang katawhan makapadayon nga ma-elect ang tiwali nga politiko, bisan klaro nga naa kini epekto sa kalidad sa serbisyo sa publiko. (James Oliver)
