Nagtoo si International Studies Instructor Lucanus Azrael Igot nga “win-win solution” ang target ni Presidente Bongbong Marcos busa gidawat niya ang un-porsiento nga kunhod sa 20% taripa nga gipakang ni US President Donald Trump sa export products sa Pilipinas.
Miingon si Igot nga ang ang kasamtangang 19% tariff rate, mas taas kinig 2% sa taripa sa milabay nga tuig. Gitin-aw sa magtutudlo nga ang pagpakang sa tripa ni Trump sa export products sa Pilipinas, nagtimaan nga apil gihapon sa merkado sa Amerika ang mga produkto gikan sa nasud.
Gawas sa nasabutan nga mga taripa, gidawat ni Marcos ang kondisyon ni Trump nga adunay pipila ka US imported products sama sa sakyanan, soy, wheat, ug medisina ang walay ipahamtang nga taripa pag-abot sa Pilipinas. Sa maong paagi, mapakunhod niini ang gasto sa mga input industries ug healthcare.
Subay sa data, niadtong 2024 ang Pilipinas nag-export sa 12.12 Bilyon US Doyares nga produkto gikan sa electronic equipments, machinery computers, coconut oil, medical apparatus, apparel ug furnitures, mga prutas sama sa saging ug pinya, mga seafoods, copper ug nickel products.
Masaligon si Igot nga sa pagdawat ni Marcos sa kondisyon ni Trump, makatabang usab kini sa ihangyo pohon ni Marcos nga magpasulod sa daghang mga trabahante sa Estadus Unidos.
