CAGAYAN DE ORO CITY – Giila ni Gov Bambi Emano nga paghatag hustisya ang pabor nga hukom sa korte nga legal ang napasar nga 1.5 bilyon pesos nga pondo sa Misamis Oriental ning tuiga.
Kini human ibasura ni RTC Branch 39 Presiding Judge Marites Bernales ang declaratory relief case nga gipasaka sa grupo ni Vice Gov Jigjag Pelaez aron e-kuwestiyon ang legalidad sa maong pondo.
Una usab niini,gibutyag sa tigpamaba sa grupo ni Pelaez nga si Atty Ange Lim nga dili pa angay maghudyaka ang kapitolyo kay mohimo pa sila sa pag-apelar batok sa hukom ni Bernales.
Hisayrang naundang sulod sa pila ka adlaw ang pagtunol sa batakang serbisyo sa kapitolyo tungod sa 10 ka adlaw nga temporary restraining order gipagawas sa korte tungod sa maong budget dispute.
