Gikalipay sa Inday Sara Movement Philippines ang makasaysayang desisyon sa Korte Suprema nga nagdeklara nga unconstitutional ang mga gidugang nga pondo sa budget sa nakalabay nga mga tuig.
Sa interbyu sa Bombo Radyo, namahayag si Inday Sara Movement Philippines Founder Daniel Nobleza nga ang maong hukom nagpamatood sa unang gipagawas nga pamahayag sa amahan ug anak nga silang Rodrigo Duterte ug Bise Presidente Sara Duterte nga adunay anomalya ug pipila ra ka tawo ang nagkupot sa kaban sa nasud.
Gumikan niini, gilauman sa pundok nga magsilbing lig-on nga pamaagi ug lagda ang maong desisyon alang sa sakto nga paggahin sa pondo sa gobyerno.
Hinuon, nagpabilin ang kaguol sa grupo tungod kay wala gihapon gihisgotan sa hukom kon kinsa nga mga opisyal ang kinahanglang manubag sa maong kalapasan.
