Gidepensa sa City Council ang pagdeklarar sa State of Energy Emergency sa tibook lungsod sa Cagayan de Oro.
Namahayag si City Information Officer Jade Adeser nga tungod sa nagpadayon nga epekto sa taas nga presyo sa lana ug pagmahal sa batakang palaliton, nakab-ot ang desisyon nga ipailawon sa maong status ang syudad aron magamit ang pondo sa pagresponde sa gikinahanglan sa mga sektor nga apektado sa crsis.
Sa interbyu sa Bombo Radyo, gitin-aw ni Adecer nga gi-localize sa syudad ang national energy emergency pinaagi sa rekomendasyon sa City Disaster Risk Reduction and Management Council ug pag-endorso ni Mayor Klarex Uy, ayha giaprobahan sa konseho niadtong Abril 6.
Butyag ni Adeser nga gibuhat ang deklarasyon aron magtugot sa lokal nga kagamhanan sa pagpatuman sa mga lakang sama sa posibleng price freeze sa basic commodities ug pagpaspas sa proseso sa City Hall aron dali nga makabenepisyo ang katawhan.
Lakip usab niini ang pagpalapad sa gipang-apod-apod nga fuel subsidy alang sa mga PUV drivers sa syudad.
