CAGAYAN DE ORO CITY, Philippines – Walay makadiktar sa Department of National Defense ug Armed Forces of the Philippines sa pag-istasyon sa US missile launcher sa managlahing bahin sa Pilipinas nga adunay EDCA Sites.
Pagtin-aw kini ni AFP Spokesperson Colonel Francel Margarette Padilla, human gireklamo sa Chinese Foreign Ministry ang gibiyahe nga US Typhon Missile System gikan sa usa ka tugpahanan sa Luzon, ug gibalhin sa wala gibutyag nga lokasyon sa AFP.
Sa press conference nga gilusad sa Foreign Ministry sa China, namugos si Mao Ning nga usa ka delikadong kalihukan ug hulga sa rehiyonal nga seguridad ang sekretong deplyment sa mga US Missiles Launchers sa managlahing bahin sa Pilipinas.
Gisupak ni Padilla ang pamahayag sa tigpamaba ug namugos nga sila ang angayan mu-isplikar sa international community sa ilang padayong deployment sa ilang mga research vessel sulod ug duol sa teritoryo sa Pilipinas.
