Wala na matingala ang grupong August Twenty-One Movement (ATOM) sa desisyon sa korte nga i-dismiss ang kaso may kalabutan sa bahandi sa pamilyang Marcos.
Hinuon, gipadayag ni Volt Bohol sa grupong ATOM nga usa kini ka dakong insulto ug kasakit alang sa tanang nakigbisog kaniadto aron ipabagsak ang diktadura sa nasud.
Sa panan-aw sa grupo, posibleng gipahimuslan sa mga gahum sa gobyerno ang atensyon sa publiko nga anaa karon sa mga isyu sa Senado aron ipadayon ang pagbasura sa maong kaso.
Dugang pa niini, ang kasamtangang kahimtang sa nasud diin ang anak sa diktador ang naglingkod nga presidente nagpakita nga dili na kini ikatingala bisan pa og bug-at kini dawaton.
