Pwede mahimong grounds for impeachment ang paggamit sa ilegal nga druga alang sa mga tag-as nga opisyal sa gobyerno sama sa Presidente, Bise Presidente ug uban pa. Namahayag si Integrated Bar of the Philippines (IBP) Misamis Oriental Chapter President – Atty Greg Pallugna, nga ang pag-druga nakalapas sa Republic Act 9165 o ang Comprehensive Dangerous Drugs Act of 2002. Ang maong pasangil mas bug-at pa kon gikan mismo sa igsoon sa Presidente, sama sa giingon ni Senador Imee Marcos nga naggamit sa coccaine si Presidente Ferdinand Marcos Jr. Gisugilon usab niini nga ang paggamit sa druga mahimong lig-ong basehanan sa “culpable violation of the Constitution” kung nakalapas sa mandato sa pangulo; “betrayal of public trust” kung siya maoy nagpasiugda sa dautang ehemplo; ug “high crimes” kung nalambigit sa kriminal nga lihok sama sa ilegal nga pagpasulod sa druga, pagtabon sa ebidensya, ug pag-abuso sa gahum.
