CAGAYAN DE ORO CITY – Gipangita sa kapolisan ang kanhi silingan sa gipusil-patay nga jeep driver aron makahatag sa katin-awan kabahin sa dugu-ong hitabo sa dalang Baculio,Brgy 21` ning syudad kaganihang kadlawon.
Kini human gidudahan sa uyuan nga si Edgar Demicillo nga dunay kalambutan ang wala una panganli nga personalidad nga may kalabutan sa kamatayon sa biktima nga si Jonhrey Demicillo,24 anyos nga pulos nagpuyo sa Saint John,Brgy Puntod sa dakbayan.
Saysay sa inisyal nga imbestigasyon nga gi-petisyonan ang maong mga residente nga makahawa sa lugar sa biktima ug dunay panganti nga namugna nga mohimo kini’g dili maayong lakang.
Kini ang rason nga gitahas ni Puntod Police Station 5 commander Major Jerson Estanilla sa iyang intelligence operatives nga subayon ang maong teorya aron mahatagan sa dinalian nga sulbad ang kamatayon sa biktima.
Hisayrang naigo sa dughan ang biktima ug milahos sa likod gikan sa wala pa matumbok nga klase sa armas rason nga diha-diha kining nakutluan sa kinabuhi kaganihang kadlawon.
