Gihatagan og gibug-aton ni Life Coach ug Mental Health Consultant Stella S. Ferrariz ang dako nga responsibilidad sa mga ginikanan sa pagdisiplina sa ilang mga anak batok sa dili maayong epekto sa social media.
Bisan pa man og nag-unang katungdanan sa kabatan-onan ang pagtungha, gipadayag sa eksperto nga lisod ang pagdili sa mga bata sa pagbitbit og gadget tungod kay gikinahanglan usab kini sa ilang pagtuon.
Tungod niini, usa sa giduso karon nga lakang mao ang pagpahigayon og mas gipahugtan nga oryentasyon pinaagi sa mga PTA meeting aron matudloan sila sa responsableng paggamit sa teknolohiya.
Sa katapusan, gipahinumdoman ni Ferrariz ang publiko nga ang pundasyon sa maayong pamatasan magagikan gyud sa panimalay, busa angay gyud nga hugot nga gabayan sa mga ginikanan ang ilang pamilya.
