Suportado ni Professional Criminologists Association of the Philippines kon PCAP President Dr. Gerry J. Caño ang paggamit og transparent bag sa mga estudyante tungod kay makatabang kini sa pagpalambo sa seguridad sa mga eskwelahan.
Sumala ni Caño, kung kini mapatuman kinahanglang mohatag og alternatibo ang kagamhanan ug mga ginikanan kon ugaling mag-atubang man og kalisod sa pagpalit niini ang pipila ka pamilya.
Wala usab makalikay sa iyang pagsaway ang bahin sa Parents and Teachers Association kon PTA sa paglantaw sa seguridad ug kaluwasan sa mga estudyante nga maoy labing importante nga prayoridad alang sa mga ginikanan.
Tungod niini, naglaum ang opisyal nga mahatagan og igong pagtagad ang maong inisyatibo aron motabang sa mga magtutudlo ug tulunghaan sa pagprotekta sa maayong kaugmaon sa mga kabatan-onan.
