Gipamugos ni kanhi IBP CDO-MisOr President ug abogado nga si Atty. Eddie Cuaresma nga bisan paman kon adunay mga sirado o selyado nga detalye sa pondo, kinahanglang ma-explain ug masubay gihapon sa ensaktong rules ang paggamit sa confidential funds.
Mibabag ang legal expert sa basta-basta lang nga paggamit og mga acknowledgment receipt sanglit naghatag kini og dakong pagduda nga basin gigamit ra sa dili maayong paagi o gikawat ang kuwarta sa tawo.
Gisaway usab sa abogado ang paghatag og ingon niini nga badyet sa Office of the Vice President ug DepEd tungod kay dili man kini mga ahensya nga nagkupot sa law enforcement o national security.
Gumikan niini, gipangusgan sa opisyal nga kon adunay imbestigasyon, pilit nga makatubag ug makahatag gyud og kompletong dokumento sama sa attachment sa safehouse rental ug mga resibo sa tambal ang maong mga opisina.
