CAGAYAN DE ORO CITY – Na ‘out of context’ lang daw si PNP chief Gen Rommel Marbil sa iyang pagsulti nga dili makonsiderar nga dakong adik sa droga ang usa ka tawo nga talagsa ra tiggamitan sa maong bisyo.
Kini ang depensa ni Police Regional Office 10 spokesperson Maj Joann Navarro kabahin sa maong pahayag ni Marbil sa usa ka TV interview sa kauluhan.
Miingon si Navarro nga wala siya makakita ug makadungog sa interbyu apan gihatagan na kini’g katin-awan ni PNP spokesperson Brig Gen Jean Fajardo.
Miingon si Navarro nga wala sukad motugot usab ang PNP nga magamit sa illegal nga droga ang katawhan kay klaro man kini nga dakong kasupakan sa balaod.
Una niini,miani sa daghang pagsaway ang pahayag ni Marbil nga nagkatag sa internet gumikan sa maong interbyu.
