Gikuwestyon ni Geopolitical Analyst Ben Tiu Contreras, ang paggamit sa mga Enhanced Defense Cooperation Agreement o EDCA sites isip disaster relief hubs sa kasamtangang krisis sa pagbaha sa Pilipinas.
Gikatingad-an ni Contreras kung nganong mangayo pa’g permiso ang Department of National Defense ngadto sa Estadus Unidos aron magamit sa relief operations ang base militar.
Gitin-aw sa eksperto nga daan nang nagkasinabot ang Pilipinas ug Amerika gamit ang mutual agreement nga pwede mapahimuslan ang maong site panahon sa emerhensiya.
Lakip sa gikuwestiyon ni Contreras ang pagbaton sa DWSD sa ilang kaugalingong relief centers ug kung nganong sa EDCA pa ang ilang napili nga pundohan sa ilang mga pagkaon ug uban pang relief goods.
Si Contreras miingon nga pwde man maglihok ang Pillipinas nga walay pangayoong tabang sa Amerika.
