Usa ka dakong palusot ug pagguba sa katungod sa mga tawo sa mga barangay ang paggamit sa alibi nga pagdaginot aron idukdok na usab ang Barangay ug SK Elections.
Gitin-aw ni Liberal Youth Northern Mindanao Chairman Andre Josol nga dili kwarta ang tinuod nga rason kon dili ang pagpugong nga makapili ang katawhan og bag-ong mga lider sa komunidad.
Gipahinumdoman sa maong grupo nga nakagahin ug nakagasto na ang kagamhanan og walo ka bilyon ka piso samtang andam na ang COMELEC alang sa maong piniliay.
Dungan niini, gipamugos sa organisasyon nga ang pabalik-balik nga pag-isog sa adlaw sa eleksyon maoy tinuod nga nag-usik sa kwarta sa lungsod ug nagbabag sa pag-uswag sa matag barangay.
