Gipanghimakak ni Department of Interior and Local Government (DILG) Secretary Jonvic Remulla ang alegasyon nga gawas-sulod sa prisohan si kanhi House Speaker Martin Romualdez bisan pa sa iyang pagkabinilanggo.
Miingon ang kalihim nga walay basehan ang maong mga pasangil ug wala siyay nahibaloang paglapas sa mga lagda sa detention facility.
Gipamugos ni Remulla nga ang tanang piniriso nga anaa ubos sa kustodiya sa gobyerno kinahanglan motuman sa mga protocol ug restriksiyon nga gitakda sa mga awtoridad.
Gibutyag usab niini nga padayon ang pagmonitor sa mga ahensya sa kahimtang sa mga high-profile detainees aron masiguro ang hustong pagpatuman sa mga regulasyon.
Una niini, gitumbok sa opisyal nga importante nga ang publiko mosalig lamang sa opisyal ug napamatud-ang impormasyon may kalabotan sa maong isyu.
