CAGAYAN DE ORO CITY – Gisugdan na sa mga imbestigador sa Philippine Air Force ang imbestigsyon sa paghagsa sa ilang chopper nga gikamatay sa 7 ka sundalo sa Brgy Bolunay,Impasug-ong,Bukidnon.
Kini aron sayron kon unsay hinungdan nga kalit napalong ang sobra 70 anyos na nga klase sa helicopter samtang naglupad aron unta mohatod sa military supply sa ilang tropa sa maong probinsya sa miaging semana.
Gibutyag ni 403rd IB commander Brig Gen Ferdinand Barandon nga molungtad sa pila ka adlaw ang presensiya sa Air Force investigators diin sila mohatag usab sa seguridad sa bisinidad sa crashed site.
Una nang gitinguha ni Pres Rodrigo Duterte nga duawon unta ang mga biktima apan paspas na kining gihatod sa ilang tagsa-tagsa ka pamilya gikan sa adlaw sa panghitabo.
