CAGAYAN DE ORO CITY –Gi-depensa sa militar kon nganong hangtod karon wala pa madawat sa sibilyan nga giingong maoy naghatag impormasyon kanila aron matul-tulan ug napatay si CPP-NPA-NDF Mindanao spokesperson Jorge Madlos alyas Ka Oris didto sa Bukidnon.
Kini human unang gisaad sa gobierno nga madawat sa nakakita ug nakasumbong sa mga otoridad ang 7.8 milyon pesos nga patung sa ulo ni Ka Oris kinsa nag-atubang sa daghang kasong kriminal sa lain-laing mga korte.
Miingon si 403rd Infantry Brigade commander Brig Gen Ferdinand Barandon Jr nga dunay proseso nga sundon ayha mahatag ang reward money nga nakapatong kang Oris.
Una nang gipasalig sa AFP nga sibilyan ug dili taga-gobierno ang makakuha sa premyong salapi bugti sa kamatayon ni Ka Oris.
