Gi-aprobahan na sa House Committee on Ways and Means ang sugyot balaod nga maghatag sa gahum kang Presidente Ferdinand Marcos Jr nga temporaryong suspendehon o pa-ubsan ang excise tax sa produktong petrolyo aron maprotektahan ang mga Pilipino batok sa pagsaka sa presyo sa lana sa internasyonal nga merkado.
Ang substitute bill nag-hiusa sa 15-ka sugyot ug duha ka joint resolution, diin lakip na ang House Bill No. 8292 nga gi-file ni House Speaker Faustino “Bojie” Dy III ug Ilocos Norte Representative Sandro Marcos, nga nagtumong nga tugotan ang Presidente sa pag-patuman sa suspensyon sa fuel excise tax sa panahon sa krisis pang-ekonomiya.
Sa ilawom sa sugyot balaod, mahimo kini ipatuman kung moabot sa $80 kada baril ang average nga presyo sa Dubai Crude Oil sulod sa usa ka bulan o kon adunay ideklarar nga national emergency.
Kung ipatuman ang suspensyon, kinahanglan usab nga mag-sumiter ang Presidente sa report sa Kongreso sulod sa 15-ka adlaw ug matag bulan human niini, ug karon ang sugyot i-sumiter na sa plenaryo sa Kamarabaha alang sa dugang deliberasyon. (By Phillip Ariata)
