CAGAYAN DE ORO CITY-Nanawagan si vicar-general of the Archdiocese of Cagayan de Oro Rev Msgr. Perseus P. Cabunoc sa katawhan nga mas unahon ang pagsaulog sa Easter Sunday pinaagi sa paghatag igong panahon sa pamilya.
Sya miingon nga nalimtan na sa mga tawo ang kinataliwad-an nga rason sa maong kasaulogan sama sa pagsimba, pag-ampo ug paghatag panahon sa pamilya.
Gani si Msgr Cabunoc miingon nga mas maayo nga isaulog ang Adlaw sa Pagkabanhaw kauban ang pamilya ug dili sa pagligo-ligo sa dagat o sa mga swimming pool.
Samtang gipanalangin ni Msgr. Cabunoc atol sa Semana Santa nga masulbad ni Pres Rodrigo Duterte ang kurapsiyon sa nasud, mahunong ang kasong pagpatay ug dili mapasar ang divorce bill.
Sumala pa ni Msgr Cabunoc nga walay maayo kapa-ingnan ang diborsyo sa mga magtiayon sa nasud ilabina nga dako kini nga kasupakan sa Bibliya.
Sya usab nanghinaut nga malamdagan si Pres Duterte kung unsa ang mga butang nga maghatag kaayohan sa nasud.
