Usa ka dakong usik sa pondo ug pag-abuso sa kwarta sa lungsod ang giplanong pag-isbog sa Barangay ug Sangguniang Kabataan Elections.
Gipasabot ni Liberal Youth Northern Mindanao Chairman Andre Josol nga dili na masayang ang walo ka bilyon ka piso nga naandam na sa kagamhanan kon idayon ang piniliay karong tuiga imbis nga idukdok o ilangan na usab kini.
Gitin-aw sa maong lider sa kabatan-onan nga pormal nang andam ang Commission on Elections (COMELEC) alang sa maong piniliay busa walay igong rason aron pugngan ang katungod sa katawhan sa pagpili.
Dungan niini, gipamugos sa organisasyon nga mas magiyahan sa lab-as ug lig-on nga liderato ang matag barangay kon hatagan og higayon ang bag-ong henerasyon sa mga opisyal nga makadala og kabag-ohan sa komunidad.
