CAGAYAN DE ORO CITY – Naghikog-patay tungod sa giingong depresyon ang inisyal nga nakit-an sa kapolisan sa ulitawo nga locally stranded individual o LSI sa Purok 2,Brgy Simaya,Malaybalay City,Bukidnon.
Giila ni Lt Col Jerry Tambis,hepe sa Malaybalay City Police Office ang biktima nga si Reynaldo Rubiñon, 41 anyos nga residente sa lugar.
Miingon si Tambis nga mismo ang miembro sa pamilya sa biktima ang naka-diskobre niini nga may nakahikot nga extension wire ang li-og ug wala na’y kinabuhi sulod sa isolation unit sa maong dakbayan.
Gibutyag sa opisyal nga wala sila’y nakit-ang foul play sa kamatayon sa biktima rason sa ilang pagtoo nga tungod kini sa sobrang depresyon.
Una nang gihatda’g pagkaon sa iyang pamilya ang biktima sulod sa city isolation unit apan patay na kining nakit-an sa miaging adlaw
