Dili kaluoy kundi dakong pagsaway ang tubag sa Bagong Alyansang Makabayan sa paghilak-hilak ni Kongresista Mikaela Suansing sa budget hearing.
Gipahayag ni Rauf Sissay sa BAYAN nga arte ug daw luha lang sa buaya ang maong eksena samtang nagpabilin nga gutom ug kulang sa serbisyo ang mga tawo.
Matud pa sa grupo, dako ang posibilidad nga kalipay ang maong luha tungod sa bilyon-bilyong pundo nga nadawat sa mga distrito para sa pang-andam sa sunod nga eleksyon.
Gisaway pa sa grupo ang drama sa mga politiko nga mas naghunahuna pa sa ilang makuhang kickback ug pwesto kaysa sa tinuod nga tabang sa nasod.
