Giawhag sa labor group nga Sentro ng mga Nagkakaisa at Progresibong Manggagawa ang gobyerno nga magpondo alang sa paghimo og mas daghang trabaho.
Gipahayag ni SENTRO Secretary General Joshua Mata nga dili na igo ang ekonomiya sa nasud aron masalo ang mga bag-ong naggraduwar diin syete sa matag napulo ka walay trabaho kay mga kabatan-onan.
Gipasabot sa lider sa mga mamumuo nga dili pwedeng mosalig lang ang kagamhanan sa mga pribadong negosyante alang sa mga panginabuhian.
Matud ni Mata, obligasyon sa mismong gobyerno ang paghimo og mga direktang oportunidad ug trabaho para sa katawhan.
