CAGAYAN DE ORO CITY – Dili na hangyo apan gimando na ni City Rolando ‘Klarex’ Uy sa mga kapitanes sa kabarangayan nga istriktong sundon ang pagpahiluna sa mga basura sa ilang tagsa-tagsa ka brgy ning syudad.
Kini human kompirmaha sa tigpamaba sa mayor nga si Janboy Actub nga gipatawag ang mga kapitanes sa city hall sa miaging gabii aron hisgutan kuyog ang DILG,CLENRO ug Jomara-Tencil ang sistimatikong paghakot sa mga basura nga dakong suliran sa dakbayan.
Miingon si Actub nga gusto sa city hall ang ‘win-win solution’ aron kalikayan ang pagbinasulay gumikan sa naghitak nga mga basura palibot sa dakbayan.
Hisayrang epektibo Hunyo 1, mopatuman na sa bug-at nga silot ang CLENRO ngadto sa mga brgy nga pakyas paghimo sa ilang mga kaakuhan.
