Gidapit ni Conference Director Irene Austria Floro ang mga negosyante ug nagkadaiyang sektor sa tibuok isla nga mosalmot sa 35th Mindanao Business Conference sa Cagayan de Oro karong Agosto 11 hangtod 13.
Gipadayag sa opisyal nga nag-unang tumong sa panagtigom nga mahiusa ang nagkabulag nga mga lokal nga negosyo aron mahimong usa ka kusog nga puwersa sa ekonomiya.
Dugang pa niya, gitumong sa kalihokan nga mabag-o ang panan-aw gikan sa tagsa-tagsa nga paglihok sa mga lalawigan padulong sa usa ka nakasustiner nga ekonomiya sa tibuok Mindanao.
Tungod niini, gilauman nga matigom sa maong komperensya ang mga stakeholders gikan sa pribadong sektor, ahensya sa gobyerno, ug mga internasyonal nga kauban.
