Nakaandam na ang contingency plan nga ipatuman sa lokal nga kagamhanan alayon sa paghupas sa 90 ka adlaw nga extended contract sa kompanyang JOMARA-TENCIL o Tencil Environmental Management nga natahasan sa pagpangulekta sa mga basura sa dakbayan.
Kutob ra ang kontrata sa Agosto 24, ug ang ilang g pagserbisyo hayan mahulipan sa bag-ong kompanya kung kinsa ang modaug sa public bidding.
Miingon si Janboy Actub, tigpamaba ni City Mayor Klarex Uy nga may koordinasyon na gihimo niini ngadto sa komitiba sa environment sa konseho ug ubang buhatan sa city hall kung unsaon nga dili magka-problema sa mga basura ang syudad nga anaa sa pagpangandam sa kasaulugan sa kapistahan sa dakbayan.
Gidugang ni Actub nga sensitibo ang kahimtang sa syudad karon tungod sa umaabot nga kapistahan ug ika-75 nga anibersaryo, nga nagkinahanglan sa hapsay ug limpyo nga waste management.
