CAGAYAN DE ORO CITY-Gimanduan karon ni City Mayor Oscar Moreno pinaagi kang City administrator Teddy Sabugaa ang kapolisan ug Roads and Traffic Administration o RTA nga dalion ang pag-imbestigar sa nadisgrasyang pick-up Hi-Lux sa flyover sa Macanhan,Brgy Carmen ning syudad.
Kini human nakurat ang katawhan nga pulos hubo o walay underwears ang babaye ug lalaki nga sakay niini dihang nadisgrasya sa lugar.
Miingon si Sabugaa nga gusto nila masuta ang tinood nga hitabo kon nganong nahayang ang gisakyan sa mga biktima dihang mibangga sa traffic signage post.
Nakurat usab si Sabugaa sa mga impormasyon nga nabangga ang sakyanan kay naghimo’g paghilawas ang duruha hinungdan nga pulos hubo nga nakit-an sa publiko.
Nasayran nga padulong sa Gran Europa ang 28 anyos nga lalaki ug 19 anyos usab nga babaye dihang nahitabo ang aksidente kagahapon sa kadlawon.
