CAGAYAN DE ORO CITY – Gihalaran sa mga pag-ampo ug pagyukbo sa national ug local govt units kuyog ang militarya ang sakripisyo sa state forces ingon man sibilyan nga mibuhis kinabuhi batok sa grupong Maute-ISIS nga misulay pag-ilog sa Marawi City sa Lanao del Sur.
Kini human lab-asa ang pagsakripisyo sa namatay’ng 168 ka sundalo’g pulis ug 87 ka sibilyan ingon man sobra mil- 400 ka govt forces maproteksyonan lamang ang maong syudad batok sa mga terorista ensakto upat ka tuig.
Miingon si AFP chief of staff Gen Cirilito Sobejana nga mipanaw man ang daghang kinabuhi apan wala usab kini mausik kay napatay sa state forces ang 978 ka terorista nga gilakipan sa magsoong Omar ug Abdullah Maute.
Napatay usab sa maong engkuwentro ang giila nga Asia-ISIS emir nga Isnilon Hapilon sa niadtong Oktubre 2017.
