CAGAYAN DE ORO CITY – Gibutyag sa iyaan sa gipatay nga tomboy nga nagpadamgo kaniya ang biktima hinungdan nga nakita niini ang iyang patay’ng lawas sa Brgy Puntod ning syudad.
Sumala ni Gilbert Manahan sa iyang igsoong baaye diin nangayo’g tabang ang biktima nga si Rachel Manahan, 32 anyos aron makuha ang patay’ng lawas niini.
Gani sa iyang damgo, gitudluan siya kon asa gilabay ang patay’ng lawas sa biktima.Unang nakita nga giputos sa sako ang hubo nga patay’ng lawas sa biktima ug gihulog sa septic tank nga nahimutang duol sa payag nga gipuy-an sa suspek nga basurero nga si Daniel Bagabald.
Giimbestigaran pa karon ang posibilidad nga gilugos ayha gipatay ang biktima.Samtang dili makatoo ang igsoon ni Bagobaldo nga mahimo niini ang pagpatay usa ka tomboy diha sa Brgy Puntod ning syudad.
Gibutyag ni Lito Bagobaldo nga wala siya magdahom nga mahimo kini sa iyang igsoon.
Apan giangkon niini nga talagsa lamang sila magkita ug dili niya kini kanunay ma-monitor tungod kay busy siya sa trabaho.
Emosyonal nga gibutyag sa igsoon sa suspek nga adunay lalom nga rason kon nganong nahimo sa iyang manghod ang ngilngig nga krimen. Hisayran nga detinado na sa Macabalan Police Station ang suspek.
