CAGAYAN DE ORO CITY-Ipadayon sa Philippine Coast Guard Northern Mindanao ang imbestigasyon ug koordinasyon sa Bangko Sentral ng Pilipinas o BSP kabahin sa pagka-hold sa P32 milyones nga salaping cash gikan sa United Coconut Planters Bank o UCPB ning syudad.
Kini human tinguha unta sa maong bangko nga mabalhin ang minilyong salapi sa ilang sangang buhatan sa Cebu City nga isakay lamang sa barko sa miaging Domingo sa gabii.
Gibutyag ni PCG -Cagayan de Oro En-sign Daryll John de Jesus nga walay pu-as ang gihimo nga paningkamot sa ilang kadagkuan aron masuta kon legal o illegal ang pagpagawas sa maong salapi.
Una nang gi-imbestigaran ang duha ka empleyado sa bangko ug laing duha ka security escorts dihang nasita sa pagsulod nila sa pantalan aron na unta mosakay sa Trans Asia sa miaging gabii.
