May dako nga tsansa nga maka-survive si Bise Presidente Sara Duterte sa impeachment trial tungod sa pagpanalipod sa mga senador sa ilang politikanhong kaugmaon ug mga re-electionist.
Gipadayag ni United People’s Initiative Secretary General Capt. Rey Valeros Jr. nga gipangandaman na sa administrasyon ang pagpasaka og laing mga kaso kon ugaling dili magmalampuson ang conviction sa Senado.
Dugang pa sa opisyal, tumong sa maong pagpapaningkamot nga matangtang sa pwesto ang Bise Presidente sa dili pa isulong ang pagbalhin sa Konstitusyon alang sa term extension sa mga naglingkod nga lider.
Busa, nanawagan ang grupo sa katawhan nga mag-alerto ug batokan ang bisan unsang panggipit ug pag-abuso sa balaod alang sa politikanhong interes.
