CAGAYAN DE ORO CITY, Philippines – Gimando ni Presidente Bongbong Marcos ang hinanali nga imbestigasyon sa paghagsa sa fighter jet Philippine Air Force (PAF) sa Bukidnon, sa miaging adlaw.
Namahayag si PCO Undersecretary Claire Castro nga gusto masuta sa presidente ang matuod nga hinungdan kung nganong mitabogsok ang FA-50 fighter jet taliwala nga taas ang kalidad ug dala nga teknolohiya niini.
Gusto sa presidente nga masiguro ang kaluwasan ug integridad sa mga operasyon sa PAF busa gikinahanglan ang paglusad sa mas hugot nga imbestigasyon.
