Ang pagkahagba sa mga pundok sa rebeldeng New People’s Army o NPA ang nahimong latayan sa paghangyo sa militar nga ideklarar na ang Stable Internal Peace and Security o SIPS status sa matag lokal nga kagamhanan sa Bukidnon, Misamis Oriental, ug kasapit nga mga lungsod sa Caraga.
Mismo si 4th Infantry Division Commander Major General Marion Angcao ang nagpadayag nga nahimo na sa mga sundalo ang ilang bahin sa pagguba sa mga Guerrilla Fronts, diin adunay na lang 8 ka nahabilin nga sakop sa NCMRC ang gipangita karon.
Hinuon, gipasabot sa heneral nga dili nila ipugos ang maong deklarasyon ngadto sa mga LGU tungod kay aduna silay kaugalingong proseso sa pagsubay kon andam na ba ang ilang lugar alang sa dugang kalamboan ug negosyo.
Pinaagi sa maong kalamboan, nanawagan si Angcao sa nahabilin nga 2 ka rebelde sa Agusan del Sur nga mas maayong mosurender na lang aron madali ang pagdeklarar sa tibuok rehiyon nga bug-os nang gawasnon sa hulga sa terorismo sa dili pa matapos ang kasamtangang quarter sa tuig.
